G Cup戰艦大和號

文：MenClub Patrick　　圖：互聯網
POSTED ON 13 Oct 2014

重製70年代《宇宙戰艦大和號》嘅新版動畫《宇宙戰艦大和號2199》...... 其實大家見到相入面條女咁嘅打扮同咁嘅心口，應該都冇乜心機睇我講乜，所以我決定唔嘥大家時間，直接講咗條女先。 Cosplay到咁，大家未必認到佢，其實佢就係鼎鼎大名嘅G Cup寫真女優森下悠里，據講係人造人，仲曾自爆18歲就去過酒店做陪酒，不過原來今年已經29歲，啱唔啱口胃先？今次佢係cos《宇宙戰艦大和號2199》入面個絲塔夏．伊斯坎達爾女王，但係佢心口好似仲勁過二次元版喎。好喇，唔阻大家睇相，真係有興趣想知發生緊乜事，就請碌到最底啦！
唔關我事㗎，我喺日本網搵相時已經裁到咁㗎喇！
畀動畫版大家對比吓。
筆者喺香港都見過唔少波浪，但仍然幾羨慕日本同業。
唔使大家Google，畀埋森下悠里未變身前嘅相大家目測係咪人造人。
其實重製版動畫《宇宙戰艦大和號2199》，今年會推出兩套劇場版，第一集《追憶之航海》啱啱喺日本公映，所以官方就請咗森下悠里嚟cosplay宣傳做勢，同場仲整多架大和號模型嚟配襯吓。至於第二集《星巡之方舟》就會喺12月6日上畫；而兩年前套OVA動畫，亦都會喺11月出Blu-ray，有興趣記住到時搵番嚟睇。仲有，就連荷里活都打算拍鬼佬真人版，暫名叫《Star Blazers》，預計2017年上映；再加埋2010年木村拓哉做嗰套日本電影，呢幾年《大和號》真係全面復活。但筆者最恨都係點解細個睇嗰時冇cosplay㗎！！！