「神奇小子」傅家俊左眼視網膜退化，宣佈全面休養！

文：MenClub 波特先生　　圖：互聯網
POSTED ON 29 Jan 2018


香港桌球壇人稱「神奇小子」嘅傅家俊Marco，近日喺社交媒體上宣佈因左眼經醫生檢查後，發現屼1現視網膜退化情況，所以決定全面停止參加比賽及訓練進行休養。

傅家俊日前喺自己Facebook專頁上發佈一則消息，指今年係佢踏入桌球生涯嘅第20週年，但由於早前眼部出現不適，所以去左睇醫生，然後檢查後證實其左眼視網膜退化。不過佢叫各位唔使擔心，因為佢已經接受左激光手術，醫生建議佢暫時要比眼部多啲休息，所以黎緊幾個月佢都唔會參加任何比賽。

現年40歲嘅Marco，曾經試過世界最高排名第5位，而目前則排名世界第9位。去年佢曾喺蘇格蘭公開賽(排名賽)成功奪冠，而今年則喺倫敦桌球大師賽上硬撼「火箭」奧蘇利雲，可惜最終被對方完美擊敗。

作為香港著名運動員，Marco曾4次成為香港傑出運動員(2000、2007、2008及2010年)，喺香港擁有唔少支持者。希望Marco能夠盡快康復，再次為香港爭光！