籃球這項運動以往一直比人嘅感覺都係「一吋高一吋強」，越高嘅球員無論進攻同防守都會越有優勢，就好似當年嘅「上古神獸」Bill Russell、張伯倫、「天勾」Jabbar、O’neal都係一個時代嘅統治者。不過時而勢易，當三分球越黎越受重用，再加上全能、速度及靈活性更加重要嘅時候，小球陣容好似越黎越受歡迎，甚至功效更大。