{ SKIP }
文:MenClub 波特先生  圖:互聯網
POSTED ON 05 Feb 2018

近期體育界都好似特別興老球員回春一樣,網球界有「瑞士天王」費達拿,桌球界就有「火箭」奧蘇利雲,而其實除左奧蘇利雲之外桌球界就仲有一位回春球手,佢就係人稱「金左手」嘅馬克威廉斯(Mark Williams)啦!

現年42歲嘅威廉斯,曾經係世界桌球界嘅一哥,目前嘅佢則排名世界第10位,佢就係被人稱為「92一代」嘅其中一員,另外兩人為奧蘇利雲同埋希堅斯,雖然成就上威廉斯無「火箭」咁癲,但係佢職業生涯都曾奪得20個排名賽冠軍,其中就包括本季嘅兩項錦標。
今季(2017/18)絕對係威廉斯意想不到嘅一季,因為佢已經6年無奪得過排名賽冠軍,但係今季佢已經率先喺北愛爾蘭公開賽入面封王,而近日佢又再喺德國大師賽入面奪冠。要知道威廉斯上一次單賽季可以拎到兩項排名賽冠軍,已經要追塑至2002/03賽季,當季佢成功奪得世錦賽及英國冠軍賽冠軍。
今次德國大師賽決賽,威廉斯嘅對手係前世界排名第2位嘅Graeme Dott,不過佢今仗失誤較多,所以「金左手」可以話不費吹灰之力就以9:1將冠軍帶走!
喺2017/18賽季入面,威廉斯除左拎到兩個排名賽冠軍之外,另外亦拎到6個紅球世界冠軍。而「92一代」嘅另外兩人,「火箭」今季亦已經拎左3個排名賽冠軍,而希堅斯則拎到1個。喺20個排名賽入面,「92一代」三位老將竟然可以喺今季一舉佔據6個冠軍(佔30%),實在令人難以想像,唔知佢地仲可以統治桌球界幾多年呢?
近日傳出一個令海內外電視劇迷震驚消息,話說亞視可一不可再巔峰劇作《我和殭屍有個約會》傳出翻拍會分電影版同翻拍電視版,其實重拍翻拍改篇都唔稀奇,奇在呢部1998年播出作品去到2022年居然想原班人馬重新翻拍新電 ...
hobby
【震驚海外】亞視巔峰作《我和殭屍有個約會》傳出原班人馬重新翻拍嚇親人
23 May 2022
【捻神捻鬼】傳媒報導猴痘(monkeypox)病毒引驚恐致天花疫苗藥廠股價急升 最近全世界12個國家發現超過100宗猴痘(monkeypox)個案,世衛並將猴痘於非流行地區擴大監測,情況的確係非自然,不過據知猴痘同天花 ...
hobby
【捻神捻鬼】傳媒報導猴痘(monkeypox)病毒引驚恐致天花疫苗藥廠股價急升
23 May 2022