【NFL超級碗】小男孩：「而我不知道Justin Timberlake是誰？」

文：MenClub 波特先生　　圖：互聯網
POSTED ON 06 Feb 2018


如果你有聽開歐美個一面嘅音樂，相信你應該都會知道Justin Timberlake係邊一個。呢位37歲歌手，曾多次奪得格林美獎，絕對算得上係一名世界級巨星。而近日Justin就獲邀成為一年一度北美最受歡迎嘅體育賽事NFL超級碗嘅中場表現嘉賓，能夠成為呢項賽事嘅表現嘉賓絕對係一份榮譽。

整個中場表現，Justin接近唱左超過10分鐘嘅歌曲，而在最後佢更加一路唱一路走入球迷當中，並與球迷們擊掌，令現場氣氛達到巔鋒！

而Justin走到最後去到一個位置停落黎與一位小男孩自拍，隨即呢個時刻喺網上爆紅的並唔係Justin，而係呢位同Justin自拍嘅小男孩，係咪點估都估唔到先？

能夠令呢位小男孩旋即爆紅係因為佢同Justin自拍後嘅反應，係唔少人都始料不及的。當時小男孩同Justin自拍完後，低著頭一直撳手機，與身旁現場球迷嘅反應有著巨大嘅對比，唔少網民就笑稱，可能小男孩根本唔認識Justin，並用手機問佢嘅朋友究竟呢個係乜水。
After the selfie, Justin Timberlake was dead to him. pic.twitter.com/GFllAoyNoz — Matt Schick (@ESPN_Schick) 2018年2月5日


其後有記者成功訪問呢位小男孩，原來佢只得13歲，叫Ryan McKenna，而佢唔係唔識Justin，而係因為當佢自拍完成後，無數嘅信息湧入佢嘅手機，同時亦有無數電話打黎搵佢，因此當時嘅佢係忙於回覆信息。