{ SKIP }
文:MenClub 波特先生  圖:互聯網
POSTED ON 07 Feb 2018

法國左後衛艾夫拿自從2014年離開曼聯後,先後到祖雲達斯及馬賽效力,而近期由於被馬賽解僱後一直未有班落,又咁岩韋斯咸左後衛馬蘇亞古受到6場禁賽,所以就被鎚仔幫睇中。

本來英超轉會窗已經喺2月1日關閉,但係由於艾夫拿係自由身球員,所以唔受轉會窗影響,作為領隊嘅莫耶斯因此就睇中呢位前曼聯左閘。
而現年36歲嘅艾夫拿,喺去年11月因為同自己球迷發生衝突,並起腳踢向對方頭部,所以導致球隊決定將佢解僱,並且被歐洲足協停賽至今年6月兼罰款9000鎊。

不過由於歐洲足協嘅禁賽令只限於歐洲賽事,唔包括國內聯賽,所以艾夫拿將可以繼續為韋斯咸上陣比賽。

值得一嘅係,艾夫拿曾同莫耶斯一齊喺曼聯合作過一年,所以相信雙方都對對方有一定程度嘅認識,作為救兵應該唔成問題。

艾夫拿喺2006年以550萬鎊加盟曼聯,其後好快就成為球隊左後衛嘅必然正選,9個球季落黎佢一共為紅魔鬼上陣左379場比賽,攻入10球,並為球隊帶黎5次英超冠軍、3次聯賽盃冠軍及1次歐聯冠軍,因此相信佢絕對唔會對英超感到陌生,應該可以好快就重新適應。
摩連奴今次都真係內憂外患樣樣齊啦
hobby
【曼聯有內鬼?】摩連奴勢要揪出二五仔!
22 Oct 2018
【音響入門】音響系統中喇叭腳架的重要性 香港地居住環境出名細小,假如玩音響一般港人的聆聽空間對比起海外大屋一定是有所取捨,不過音響這玩意大有大玩細有細聽,空間其實係阻擋唔到愛聽音樂發燒玩家。所以香 ...
hobby
【音響入門】音響系統中喇叭腳架的重要性
22 Oct 2018