如果你唔係「拉打」迷，或者真係唔知有呢間餐廰，今次正好溫故知新。事關佢哋啱啱出咗新menu，增加咗整成14個平成年代幪面超人終極形態嘅菜式，由前菜到主菜到甜品到飲品都有，熱情奔放，創意無限。

另外，之前已經有嘅一啲幪面超人造型菜式，亦都再執得靚仔啲，重新示人。老老豆豆，以前嗰啲又確實幾有淘寶feel，睇見想笑多過想食。不過，或者我重申一次，外表靚咗唔代表一定好食，聽聞之前嘅食評只係好壞參半，除非閣下die hard到第六感可以完全蓋過味覺。

新餐牌仲已經上載咗去餐廰官網，大家去朝聖前可以上去睇定先，費事去到坐低先慢慢欣賞，要侍應企咁耐等大家點菜就唔好啦！但係筆者比較老餅，對平成年代「拉打」嘅感情，點都唔及昭和年代嗰啲咁深，所以我最開心嘅，始終係見到仲有幪面超人1號甜品同亞馬遜飲品！

官網：www.paselabo.tv/rider/index.html