世界羽聯近期動作多多，先後修改唔少現有規例，其中最多人不滿嘅必定係「任何球員發球都不得超過1.15m」呢條新例。可能好多人都會認為呢條規例只係針對身型較高大嘅球手，不過實際上呢條規例其實唔係全部身型較矮小嘅球手都有得益，其中中國奧運金牌得主「超級丹」林丹亦忍唔住炮轟羽聯。

從5歲起開始訓練嘅林丹，至今已經打左羽毛球30年，而成為職業球員後，佢參加左超過700場嘅比賽，贏左超過60個冠軍。對於世界羽聯呢次就發球高度嘅修例，林丹認為如果係因為科技上有所提升佢無話可說，但最後其實都只係憑裁判嘅肉眼去分辨發球高度，所以毫無說服力。

其後，林丹又指世界羽聯嘅管理層唔應該只係幾個人圍埋諗一個建議出黎就叫大家跟，而係應該聽聽球員同教練嘅意見。