【林丹宿敵】李宗偉自傳式電影即將殺入大銀幕！

文：MenClub 波特先生　　圖：互聯網
POSTED ON 14 Mar 2018

「超級丹」林丹呢個名就算你唔係好留意運動相信你都一定聽過，佢係中國近代最強嘅羽毛球手，咁佢嘅宿敵你又記唔記得佢個名呢？無錯佢就係來自馬來西亞嘅李宗偉。

現年35歲嘅李宗偉，絕對係大馬史上最出色嘅羽毛球手，甚至可能係佢地國家有史以黎最出色嘅運動員。作為林丹嘅宿敵，李宗偉當然係世界最頂尖嘅羽毛球手，但較為可惜嘅係佢始終拎唔到奧運男子單打金牌，佢喺2006、2012及2016年都成功殺入決賽，但前兩次都敗喺林丹手上，而最近一次則輸比另一中國選手諶龍。

不過如果唔計奧運嘅話，李宗偉大大小小嘅獎項都斬獲67個冠軍錦標，其中包括亞洲羽毛球錦標賽、英聯邦運動會、全馬來西亞羽毛球大獎總決賽等等。

世界排名方面，李宗偉早喺2006年已曾登上世界第一，目前則排名世界第二，僅落後比丹麥嘅Viktor Axelsen。

作為馬來西亞最出色嘅羽毛球手，李宗偉可以話係馬國最受歡迎嘅人物之一，而黎緊一部有關佢嘅自傳即將搬上大銀幕，將呢位羽毛球選手嘅一生呈獻比觀眾。究竟一位企喺羽毛球界頂峰嘅選手係點樣鍊成嘅呢？！