{ SKIP }
文:MenClub 波特先生  圖:互聯網
POSTED ON 11 Apr 2018

全場比賽精華

 

尋晚歐聯8強次回合開戰,首回合落後1:4嘅羅馬返回主場迎戰巴塞隆拿,賽前基本上無幾多個人會諗到落後3球嘅羅馬有機會晉級4強,但係正所謂「波係圓嘅」,比你估到就就唔係食神啦!

為左全力反擊追番3個入球嘅差距,羅馬今場變陣排出3-5-2陣式,並且針對巴塞制空力不足嘅弱點,轉而派出身高1.87m嘅柏德列舒希克同1.93m嘅迪斯高組成雙箭頭攻堅。而巴塞方面則繼續排出4-4-2作客出戰。
一開賽,羅馬就先發制人,以一記高吊球直接傳入中路,而身型明顯佔優嘅迪斯高成功壓倒兩名巴塞防守球員,成功將個波送入網,個陣只係開賽6分陣,羅馬就只係差兩球。
之後其實巴塞一直都擁有更多嘅控球權,但係射門次數不及羅馬,又未能威脅到羅馬嘅大門,可能當時嘅佢地仲認為可以保持住領先優勢,但就係咁埋下左出局嘅伏線。
下半場,羅馬繼續進一步進擊,比賽58分鐘嘅時候迪斯高喺禁區被碧基拉跌,球證直指12碼兼對碧基罰左一面黃牌,而隊長迪羅斯親自操刀勁射破網,呢個時候羅馬將比分追至3:4,而看台上嘅王子托迪亦露出笑容,因為佢地只需要再入1球就可以憑住作客入球優惠晉級。
之後雙方開始換人,並作最後嘅對決,而羅馬嘅攻勢都非常入肉,但就始終未能再入一球。不過就喺比賽去到82分鐘,羅馬獲得一個角球機會,由Cengiz Under主開,文奴拿斯攝前柱一批,個波彈地入網,羅馬追成4:4平手!
最終球證雞聲一響,羅馬主場3:0大破巴塞,兩回合計踢成4:4,並憑住作客入球成功淘汰巴塞,奇蹟殺入歐聯4強!賽後可以睇到恩尼斯達、美斯等人都非常失望,眼神中亦可以睇得出佢地對於出局感到難以置信,確實能夠喺巴塞手上落後3球下逆轉,真係無乜幾多隊可以做到,相信呢一場賽事必定會載入歐聯嘅歷史名冊當中!
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024