{ SKIP }
文:MenClub 波特先生  圖:互聯網
POSTED ON 16 Apr 2018

世界各大著名嘅足球比賽,現場都會備有大量保安,因為大會都擔心球迷們會發生衝突,甚至衝入球場對球星們造成威脅。而為左睇實呢班球迷,保安們都係背住球場而面向一眾球迷,以確保可以睇到會否有球迷搞事。

不過,睇得球迷就睇唔到個球場發生嘅事,有時候個省埋黎保安們可能都完全做唔到反應。可能你會話,比個波省到都係痛一下,咁你就錯啦,日前意甲就發生左一次意外,說明球場保安背向球場其實潛在住危機!
上面講到嘅意外,就係較早前意甲國際米蘭vs拖連奴嘅比賽入面,簡迪華喺禁區外一次罰球施射,皮球未能命中龍門,最後直飛龍門後面一位背對住球場嘅保安,並直中其背部。當時該名保安都未見有好嚴重嘅問題,但到左夜晚佢感到身體不適而入院檢查。最終,經醫生檢查後呢位保安嘅脾臟爆裂,需要進行切除手術。
好彩情況發現得早,保安無出現嚴重嘅內出血,宜家喺醫院休養,情況穩定。而得知該名保安嘅情況後,國米方面已經派出工作人員去慰問,及為佢送上波衫及祝福,希望佢可以快啲好返。
今次意外點出背向球場嘅保安係有一定嘅危險,要知道球員們嘅射門威力絕對唔講得少,曾經有被波省中嘅球員出現骨裂又或暈倒。如果下一次個波係直接射中保安嘅頭部,小則暈倒,大則隨時出現腦震盪,甚至更嚴重嘅後遺症,睇黎足協都要正視一下呢個問題。
由《鋼之鍊金術師》作者荒川弘創作、2021年開始連載嘅《黃泉雙使》(黄泉のツガイ)日前在「Anime Expo 2025」活動上正式宣布改編電視動畫!並同步公開特報影片、製作團隊及首張海報,令人期待! iframe width= ...
hobby
【動漫】荒川弘人氣作品《黃泉雙使》宣布動畫化!同樣由《鋼鍊》動畫工作室BONES操刀
07 Jul 2025
由Brad Pitt主演,Joseph Kosinski執導嘅《F1 Movie》票房亮眼,有指Apple Studio亦打算乘勢籌備續集,更因為Brad Pitt及Tom Cruise多年黎嘅私交近日再度浮上水面,而有傳第二集將會有Tom Cruise加盟。不過Brad Pitt ...
hobby
【影視】Brad Pitt談與Tom Cruise合拍《Ford v Ferrari》 「佢嫌冇得揸車唔拍」
07 Jul 2025