《高達00》十年有「新作」新角、新機登場

文：MenClub 魏文青　　
POSTED ON 17 Apr 2018

我唔知你哋點睇，但《高達00》對我黎講已經算係好「新」嘅高達系列。但屈指一算，原來佢都已經係十年前嘅動畫…真係突然之間就覺得自己好鬼老。咁迎黎十週年，官方都有舉行活動。上週末就舉行咗兩場「Gundam 00 Festival 10 "Re:vision"」活動，當中更加搵黎一班動畫聲優「聲音演出」全新故事！而且有新角同新機！

據知新作有六個章節，由動畫監督水島精二及腳本黑田洋介創作。主要係講述劇場版《Awakening of The Trailblazer》與ELS決戰後剎那等人嘅故事。其中最令人「滾動」嘅係劇場版最後為幫剎那開路，一頭炒咗落ELS到理應死咗嘅「Mr.武士道」古萊哈姆原來冇死，更同ELS同化。回到地球駕駛高達Exia Repair IV。另外「大合照」仲多咗個同「四眼仔」迪尼亞一模一樣嘅人，原來係以迪尼亞於「吠陀」留下嘅備份製成嘅複製人，會駕駛以力天使修復而成嘅Gundam Dynames Repair III。

另外活動中仲公佈2019年會將《高達00》嘅故事放上舞台，不過就未公佈詳情。