{ SKIP }
文:MenClub 波特先生  圖:互聯網
POSTED ON 19 Apr 2018

主教練Gregg Popovich自從1996年執起馬刺教鞭後,至今已經同球隊走過22個年頭,無論係憑住雙塔首次奪得總冠軍,到三頭馬車成為單數年王者,到每個人都話馬刺老啦,再到2014年成功復仇熱火,奪得球隊第五個總冠軍,最後黎到今日Popo都同馬刺同行,從來無一刻離開過自己嘅崗位。

作為NBA歷史最出色嘅教練之一,Popovich被人稱為「軍神」,佢帶領馬刺打造出NBA最獨特嘅體系,背後亦擁有無數嘅戰術,雖然年屆70,但仍然與時並進,並唔會拘泥以往成功嘅元素。正因為有Popo,馬刺近20年先可以保持強大,連續21年打入季後賽。
不過,尋日馬刺卻傳黎壞消息,Popovich嘅妻子Eric因病去世,如果唔係有消息傳出,你甚至都唔知道原來Popo嘅妻子原來一直臥病在床,但由於Popo唔想其家人受到媒體騷擾,所以都全力保護佢地,盡量令佢地避免出現於人前。即使妻子一直患病,但Popovich亦都無表露過任何相關嘅情感,甚至喺妻子離世前的一天,佢仍然企喺馬刺與勇士比賽期間嘅教練席入面。
Popovich敬業樂業嘅精神一直都影響住NBA及一班球員,而黎緊佢更加會接任成為美國隊嘅主教練,一班NBA嘅超級巨星都要聽命於佢,佢喺籃球嘅地位將會進一步提升。就算好似LeBron James呢種歷史級別嘅超級巨星都對Popo恭敬有加,睇見佢得知Popo妻子去世嘅消息後嘅反應,都感受到佢對Popo嘅愛。
正常黎講,有家人離世大部份人都會先離開球隊去處理家人身後事,但以Popo嘅性格,佢好大機會以球隊行先,而由於佢嘅身份基本上如果佢唔走,無人可以叫得到佢走。不過今次真係夠啦,Popovich今次請你離開馬刺,離開你深愛嘅球隊去為你真正嘅最愛作最後一件事,我諗無人會去怪你的,因為作為馬刺一家人,大家都會為你拼盡全力,爭取勝利的!
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024