短小精彩 Short Edition短文製造機

文：MenClub 魏文青　　
POSTED ON 07 May 2018

你知道點解電影、劇集入面嘅人生活硬係好似好精彩咁嗎？其中一個原因就係因為佢哋做咩都唔使等，「鏡頭一轉」就已經去咗下一段劇情。但現實唔同呀，由朝早起身等廁所等Lift等車等買早餐等收工然後放工又繼續等車等Lift等運到，咁多時間其實都係「白等」，有時真係玩電話都玩到悶。如果係咁，呢部「Short Story Dispenser」就幫到你啦。

由Short Edition研發，「Short Story Dispenser」顧名思義就係一部會「噴」出短故事嘅機器。用家可以在機台上選擇1分鐘、3分鐘、5分鐘三種不同閱讀時間嘅故事，機器就會免費印出一個故事供其解悶，而故事則來自於Short Edition平台上總共9000名作者。「Short Story Dispenser」嘅概念係希望商家出錢租借機台，為顧客帶來不一樣嘅體驗，亦可以減少顧客因為排隊等候時嘅不滿；而顧客等候時亦唔使「揈下揈下」，而可以閱讀有趣嘅故事。