{ SKIP }
文:MenClub 波特先生  圖:互聯網
POSTED ON 30 Apr 2018

阿仙奴領隊「雲爺爺」雲加較早前宣佈將會喺今個賽季結束後,正式離任球隊領隊一職,22年阿仙奴領隊生涯將正式迎來完結。而尋晚阿仙奴作客曼聯,亦係雲加以阿仙奴領隊身份最後一次出戰死敵曼聯,最終曼聯憑住費蘭尼嘅絕殺以2:1擊敗派出副選嘅阿仙奴,一個時代嘅對決正式告終。

阿仙奴大戰曼聯一向係英超嘅矚目大戰,當年嘅雲加同費爵爺鬥得難分難解,到後來嘅「天才」莫耶斯、雲高爾及摩連奴,每一次對決都係令人期待的。而尋晚嘅對決,賽前雙方亦出現罕有嘅一幕,就係雲加同摩連奴竟然以友善嘅面容握手!
今次雲加同摩連奴嘅世紀一握,本身已經係歷史時刻,要知道如果唔係雲加宣佈離任,呢一刻可能都唔會咁輕易出現。而令呢個時刻變得更加歷史性嘅,就係曼聯會方特別派出前領隊費格遜費爵爺代為代表,為雲加送上紀念品,而喺雲加同摩帥握手嘅時候,爵Sir亦喺雲加身邊,三位傳奇領隊一同被拍下來,呢個moment絕對係英超嘅世紀時刻,將會載入史冊當中。
睇番過往雲加同摩連奴其實有唔少牙齒印,其中摩帥執教車路士嘅時候雙方已經成為冤家,如果大家記得2014年10月嘅時候,仲係車路士領隊嘅摩帥就曾同雲加互相推撞及怒目而視,非常經典。
而雲加同費Sir嘅關係就相對好得多,當然喺比賽期間雙方亦都會互相噴話,但係二人亦不時走在一起有講有笑。
最後,祝雲爺爺一路好走啦!
人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025