英超作為世界最激烈嘅足球聯賽，要想拎到聯賽冠軍一啲都唔容易，因為聯賽具有多支頂級球隊，再加上各支隊伍嘅實力差距亦都較其他聯賽為小，所以先可以造成一整季大部份比賽都非常緊湊。

而今季曼城以壓倒性嘅姿態奪得英超冠軍，佢地目前喺仲有兩輪賽事嘅情況下，足足比第二名嘅曼聯多出17分，呢個分差對於英超黎講係罕有地大的，所以都可以間接說明曼城今屆喺英超究竟有幾統治性。

日前，曼城主場面對哈特斯菲爾德嘅主場比賽中，雖然賽果只係同對方踢成0:0，但係佢地就繼2013-14球季之後再一次捧起英超聯賽冠軍獎盃。

而為到慶祝曼城奪得英超聯賽冠軍，一系列嘅燈光投影活動日前喺每一位曼城球員嘅家鄉舉行。呢次奪冠投影橫跨左全球三大洲當中嘅25座城市，係比球員們嘅一大驚喜。

其中全體曼城球員、領隊哥迪奧拿以至一眾球隊工作人員嘅合照都被投影在曼城嘅市政廳上。另外，哥迪奧拿及每一位球員嘅相片都會各自被投影到佢地家鄉嘅地方，好似哥迪奧拿嘅相片就投影到西班牙的Santpedor市政廳，奇雲迪布尼喺比利時嘅根特被投影出來，阿古路則喺阿根廷布宜諾斯艾利斯被投影出來。

對於今次投影活動，一眾曼城球員嘅反應都非常熱切，佢地都非常喜歡見到自己嘅成就喺具有意義嘅地方展示出來。

每個投影的地點(按球隊號碼排列)：

全陣容：英國曼城市政廳
哥迪奧拿：佩普家鄉西班牙的Santpedor市政廳
基爾獲加(Kyle Walker)：英國鍚菲特Sharrow的Lansdowne Estate
史東斯(John Stones)：史東斯在英國班士尼的學校Penistone Grammar School
史達寧(Raheem Sterling)：英國溫布萊Copland Community School
戴夫(Fabian Delph)：戴夫位於英國畢褔特的學校Tong Leadership Academy
迪亞斯(Brahim Diaz)：馬拉加的Escuela de Futbol Tiro Pichón
霍頓(Phil Foden)：霍頓家鄉的斯托波(Stockport)高架鐵路
大衛施華：小時候練習球技的大加那利島海灘阿爾基內津Playa las Marañuelas
貝拿度施華(Bernardo Silva)：貝拿度位於里斯本的學校Colégio Valsassina
拿樸迪(Aymeric Laporte)：拿樸迪在法國阿讓的Place des Laitiers長大
文迪(Benjamin Mendy)：文迪在法國巴黎的首個足球俱樂部US Palaiseau
根杜簡(Ilkay Gündogan)：德國蓋森基興Hessler 06's球場
甘賓尼(Vincent Kompany)：高柏尼在比利時布魯塞爾的Helihavenlaan 35號樓長大
奇雲迪布尼(Kevin De Bruyne)：他曾在比利時根特Drogen球隊踢球
辛真高(Oleksandr Zinchenko)：辛真高家鄉烏克蘭拉多梅什利(Radomyshl)的Castle Radomyshl
耶耶托尼(Yaya Touré)：耶耶位於象牙海岸阿比讓的前足球學院ASEC Mimosas
巴禾(Claudio Bravo)：他父母在智利聖地牙哥Viluco的商店，他在那裡長大
丹尼路(Danilo)：丹尼路小時候常去巴西比卡斯附近的教堂
費南甸奴(Fernandinho)：費南甸奴在巴西隆德里納接觸的首個球場
艾達臣(Ederson)：艾達臣在巴西聖保羅奧賽斯庫市接觸的首個球場
加比亞捷西斯(Gabriel Jesus)：加比亞在巴西聖保羅Jardim Peri棚屋區接觸的首個球場
阿古路(Sergio Agüero)：阿古路在阿根廷布宜諾斯艾利斯
奧達文迪(Nicolás Otamendi)：奧達文迪在阿根廷布宜諾斯艾利斯La Paloma的家族教堂
文加拉(Eliaquim Mangala)：比利時那慕爾的AC Lustin足球俱樂部
艾迪拿拜約(Tosin Adarabioyo)、甘梳爾(Daniel Grimshaw)、米查(Lukas Nmecha)和穆歷(Arijanet Muric)：投影分布於英國曼城足球學院的各處
管理層和訓練人員：英國曼城足球學院的訓練中心