講起湖人傳奇Kobe Bryant，你一定會想到佢生涯面對各種疼痛都有超越常人嘅忍耐力，而同時你亦都一定記得2013年佢喺面對勇士嘅比賽中，其左腳的阿基里斯腱突然斷裂，從而大大影響其生涯最後的表現。

阿基里斯腱係人體內最厚和最強嘅肌腱，可以承受人行走時及跑步時嘅負荷壓力。而當阿基里斯腱斷裂嘅時候，受傷個一位會極度疼痛及有撕裂嘅感覺，理論上完全係痛到行唔到的。不過，大家回想一下斷掉阿基里斯腱嘅Kobe當時嘅情況，佢竟然活動了一下受傷的腳踝，雖然一拐一拐的，但佢仍然成功命中兩記罰球，最後才被替換下場。

對於出名忍痛能力聞名嘅Kobe黎講，阿基里斯腱斷裂嘅疼痛感必定係屬於最痛之列，而經過5年之後日前佢接受訪問時表示，原來當時嘅佢唔單只想完成罰球，佢更加想完成埋整場比賽，要知道當時距離比賽完結仲有3分鐘之久！

當時Kobe咁堅持繼續比賽，除左因為佢擁有異於常人嘅精神力去對抗疼痛之外，湖人如果想擊敗勇士亦絕對需要Kobe在陣。不過可惜嘅係，雖然Kobe成功命中兩記罰球，從而令球隊追成109平手，但最終佢都係未能夠繼續比賽下。全場下來，Kobe一共交出34分5籃板4助攻，而湖人其他球員之後亦無令Kobe失望，成功以118:116險勝勇士！

而呢一次受傷，令Kobe足足休養左接近年半嘅時間，雖然佢最終都可以重返球場比賽，並且喺生涯最後一戰轟下60分完美落幕，但係受傷復出後嘅佢，運動能力明顯下降，可想而知阿基里斯腱受傷對球員係有幾大影響！