歐聯決賽：利物浦 vs 皇馬，將會喺黎緊香港時間5月27日凌晨正式展開，究竟會係利物浦相隔13年再度奪得冠軍，定係皇馬歷史性成為三冠王呢？呢一點相信各位球迷都非常期待。不過，近日就有消息爆出，發現原來歐洲足協其實好唔想皇馬三連霸！

較早前，歐洲足協嘅網站上就意外喺歐聯決賽前突然出現利物浦奪冠嘅消息，雖然可能你會諗呢一次只係人為失誤，只係負責管理網站嘅人員出錯導致，不過陰謀論者當然唔會放過呢個機會。

陰謀論者當然認為，歐洲足協早已經安排好今次決賽會由利物浦獲勝，所以周邊一切已經準備就緒，當比賽完畢後就可以即時發佈消息。

當然以上只係單純嘅猜測，並無實際證據說明。不過，一位前歐洲足協前法律部嘅高層就說出自己嘅意見，佢認為利物浦奪冠對歐洲足協及歐聯更好，因為歐聯需要一個新嘅勝利者，相反如果皇馬三連霸嘅話，將會殺死歐聯呢項賽事。

當然，呢位高層覺得皇馬擁有好多出色嘅球員，但係由另一支球隊奪冠會係更好嘅結果。

如果係咁，唔通歐聯決賽將會有咩手腳做左？唔通今次又係「球證、旁證、足協、主辦、協辦全都是我的人」咁皇馬點同利物浦鬥呢？