{ SKIP }
文:MenClub 波特先生  圖:互聯網
POSTED ON 21 May 2018

西甲日前完成煞科戰,而由於冠軍早早就落入巴塞隆拿手中,所以焦點就落喺最後一次代表巴塞上陣嘅傳奇球員「小白」恩尼斯達身上。早喺賽季結束前,小白已經宣佈將會喺今季後離開球隊,而作為傳奇級球員,球迷當然對佢非常不捨。

而為到恩尼斯達有一個完美結果,巴塞亦好識做將佢放喺正選陣容,並喺比賽80分鐘將佢替換,令佢可以接受現場魯營球場所有球迷嘅掌聲致敬。可以睇到被換走嘅小白,一路與場上所有隊友、別隊球員及球證逐一握手及擁抱。呢場比賽作為佢巴塞生涯嘅完結,走到後備席坐低嘅佢明顯情緒亦非常激動,雙眼通紅,絕對係非常不捨球隊嘅表現。

賽後,巴塞亦特別為恩尼斯達舉行歡送儀式,現場所有球迷加上球員一齊為呢為傳奇送上祝福,球會亦為佢送上巴塞波衫作為紀念。其後小白拎起支咪多謝球迷及球會嘅時候,都非常傷感,繼續眼紅紅,而身後一班巴塞隊友,特別係美斯同蘇亞雷斯都帶住非常不捨嘅眼神。最後,巴塞一眾隊友上前將恩尼斯達拋上空中,以感謝同祝福佢未來嘅前路。

歡送會過後,恩尼斯達亦獨自一人留在魯營球場,看著此情此景真的令人非常傷感及非常不捨。

現年34歲嘅恩尼斯達,12歲就進入巴塞青訓,2001年開始為巴塞B隊踢球,直到2002-03球季開始被升上一隊踢左幾場比賽。2004-05球季,小白正式成為巴塞一隊嘅固定成員,不過當時嘅佢還是不時以後備身份上陣。

不過其實當時嘅恩尼斯達已經被非常睇好,當年還作為巴塞隊長嘅哥迪奧拿就曾對沙維表示:你將會令我要退役,而佢(恩尼斯達)將會令我地所有人都要退役。」呢一句說明恩尼斯達嘅天賦究竟有幾被期待!

最終,恩尼斯達真係成長為一名世界級球星,係巴塞嘅絕對核心,甚至唔少人都表示美斯能夠有咁好嘅表現,都係因為背後有恩尼斯達呢位隊友。而小白嘅傳球技術及個人盤扭技術確實舉世無雙,甚至其美妙程度可以用藝術黎形容。

效力巴塞一隊16年期間,恩尼斯達一共為球隊上陣左674場攻入57球,而佢為球隊則帶黎多個冠軍錦標,其中包括:9次西甲冠軍、4次歐聯冠軍、6次國王盃冠軍、7次西班牙超級盃冠軍、3次世冠盃冠軍及3次歐洲超級盃冠軍。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024