前利物浦荷蘭前鋒古治，喺今個賽季完結後正式宣佈掛靴結束球員生涯，而日前佢就舉行一場告別賽，並有多位其前隊友及傳奇球員到場支持，其中包括「雲佬」雲尼斯達萊、雲佩斯、謝拉特、杜迪克等。

日前古治呢場退役感謝賽喺飛燕諾主場舉行，並由飛燕諾聯隊 vs 荷蘭聯隊進行對賽，呢兩支球隊都係古治生涯最具代表性時期所效力嘅球隊，其中飛燕諾係佢踢出名堂嘅地方，而國家隊佢就更加踢左11年之久。

當然，除左飛燕諾同荷蘭隊之外，古治生涯亦分別效力過Quick Boys、烏特勒支、利物浦及費倫巴治，而效力利物浦則係令古治變得最為人所認識。

既然效力過咁多球隊，古治因此認識唔少世界級球星，甚至成為隊友，所以今次告別賽就有多位為人所認識嘅球星到場，而呢班星嘅合照就更加令一眾球迷感慨及令人回味。

荷蘭方面嘅球員包括有：雲尼斯達萊、雲達華治、馬卡爾、雲賀當、雲邦賀斯、迪比、史尼達、賴恩巴布、雲佩斯、尼祖迪莊、希丁加、雲達沙、高古、古烈治、朗奴高文。

前利物浦球員方面則有：謝拉特、加歷查、杜迪克、路爾斯加西亞、奧尼利奧、班拿約、卡路爾。