《後街女孩》講述黑道3人組因為犯錯而又唔想被老大殺害，於是被迫接受變性手術同全身整型手術，搖身一變成為地下偶像「後街女孩」，仲紅極一時有好多粉絲！不過佢哋嘅內心依然係雄糾糾嘅黑社會男兒，對於變成少女每日要扮可愛生存，都感到極度苦惱……之前已經提過超爆笑嘅《後街女孩》將會改編成電視動畫，預計2018年7月上映，而最近官方終於公佈埋聲優同製作陣容喇！

山本健太郎（CV：小野大輔）➝山本艾莉（CV：貫井柚佳）
本名山本健太郎，通稱大哥。28歳。後街女孩隊長。做黑道時留平頭，臉上有一個刀疤。

立花隆（CV：日野聰）➝立花瑪莉（CV：前田佳織里）
本名立花隆，通稱阿隆。25歳。美麗姐姐型角色。做黑道時留住一頭後梳頭。被稱作犬金組中最強打手。

杉原和彥（CV：興津和幸）➝杉原千佳（CV：赤尾光）
本名杉原和彥，通稱阿和。23歳。可愛嘅妹型角色。做黑道時留着一頭卷髮，仲有小鬍子。高中時曾打過拳擊。

犬金組長（CV：藤原啟治）
犬金組組長。犬金企畫社長兼製作人兼作詞家。前大儲組組員。

《後街女孩》電視動畫將由J.C.STAFF製作，《交響情人夢》今千秋監督，山川進系列構成，梶谷光春作畫監督，明日川仁音響監督，預定7月3日就會開始播映～