《後街女孩》講述黑道3人組因為犯錯而又唔想被老大殺害，於是被迫接受變性手術同全身整型手術，搖身一變成為地下偶像「後街女孩」，仲紅極一時有好多粉絲！不過佢哋嘅內心依然係雄糾糾嘅黑社會男兒，對於變成少女每日要扮可愛生存，都感到極度苦惱……之前已經提過超爆笑嘅《後街女孩》將會改編成電視動畫，預計2018年7月上映，官方而家終於公布，原來就係7月3號正式開播，真係超級期待呀！！！

上次同大家介紹時，已經講過《後街女孩》每個角色都有兩個聲優，一男一女，分別聲演角色嘅不同性別，比如山本健太郎嘅身份由小野大輔聲演，而山本艾莉嘅身份就由貫井柚佳聲演，感覺勁有趣。

官方同時都釋出男女聲版嘅PV，配埋同漫畫還原度極高嘅動畫畫面，呢套嘢真係冇得輸呀！

男聲版PV

女聲版PV