四年一度FIFA世界盃尋晚終於喺俄羅斯揭幕，作為主隊俄羅斯國家隊首戰面對沙特阿拉伯，雖然俄羅斯世界排名要低過對手沙特，但真正走到場上對決嘅時候，俄羅斯實力上明顯要強過沙特唔少，最終主隊亦以5:0大勝對手，取得賽事首場勝利。

作為主場球隊，俄羅斯收獲一場大勝最開心嘅一定係所有俄羅斯人民，而呢班被稱為「戰鬥民族」嘅人民，走上街頭慶祝亦特別唔同，實在令人大開眼界！

就喺俄羅斯以5:0大勝對手後，有俄羅斯球迷揸住部無蓋車喺街上慶祝，而令人驚奇嘅係車上竟然坐住一隻棕熊！留意，呢隻棕熊並唔係人扮，而係貨真價實嘅動物 - 棕熊！！

而呢隻棕熊乘乘咁坐喺車上面，開頭仲拎住支喇叭喺度吹，之後又做下抱頭嘅動作，真係好鬼可愛！不過，如果你喺街頭突然見到隻熊，你都咪話唔驚，呢啲可能都真係只有「戰鬥民族」先做得出嘅事！