較早前NBA已經舉行左一年一度嘅選秀大會，一眾球隊已經選好心儀嘅新人，並開始為新球季作準備。而作為即將進入NBA嘅新人，喺新球季開始前佢地有一段時間可以各自進行訓練，而當中有唔少都會被獲邀與一班NBA球員一齊訓練，就好似作為今年第6順位新秀嘅中鋒Mohamed Bamba就可以同76人「大帝」Joel Embiid一齊訓練。

Bamba喺選秀大會上，被魔術隊以第6順位籤拿下，而佢最令人印象深刻嘅想必就係其7呎10吋達到歷史級別嘅臂展，要知道7呎10吋臂展係NBA新秀體測中嘅歷史紀錄。

身高7呎1吋，再加上7吋10吋嘅臂展，Bamba將有機會成為NBA新生代中嘅籃框守護神，而成功選上佢嘅魔術隊未來防守勢必大幅度加強。

不過，Bamba始終都只係一名新秀，雖然有唔錯嘅潛力，但佢仲有好大嘅進步空間，特別係力量方面佢需要大大加強，否則佢將難以與一班NBA內線。而今次有機會同Embiid黎一個近距離對抗，佢就明白到NBA與NCAA嘅真正分別。

從影片中可以睇到，Embiid有一次背身單打Bamba嘅機會，雖然雙方身高一樣，但係Embiid明顯身型佔優唔少，佢單純利用力量就成功把Bamba擠向籃底，然後一個轉身雙手入樽，Bamba可以話完全無封阻佢嘅機會。

完成入樽後，Embiid更向呢位新秀怒噴:「歡迎黎到這個Fxxking的聯盟！」雖然Embiid只是開玩笑的笑一下這位新秀，但實際上這也是不爭的事實，NBA的強度及速度絕對係NCAA無法相提並論的，就好似當日剛剛加入NBA嘅Embiid亦都算較為瘦弱，但經過兩年時間佢訓練先有如今嘅身型！