{ SKIP }
文:MenClub 波特先生  圖:互聯網
POSTED ON 06 Jul 2018

世界盃八強今晚展開,不過卻有一個唔關世盃事,但就令全球球迷關注嘅消息,就係皇馬球星C朗拿度即將強勢加盟意甲嘅祖雲達斯!

今屆世界盃喺C朗嘅帶領下,葡萄牙喺16強就遺憾止步,不過C朗個人攻入4球則繼續證明佢嘅入球能力仍然係世界頂級的。而喺球會方面,C朗亦都帶領皇馬創造歷史,連續三年贏下歐聯冠軍,而其高效嘅入球亦喺過程中起到關鍵嘅作用。

不過,由於皇馬方面同33歲嘅C朗嘅關係一直唔算太好,而近年就更加係越黎越差,無論係C朗嘅加薪要求被否決,或是被西班牙政府指逃稅下無大力幫忙,再加上領隊施丹亦告辭職,一切一切都令C朗心灰意冷。

而就係呢個時間點,意甲球隊祖雲達斯正式出手,向皇馬報價C朗,雖然目前仲未有正式官宣,但係有傳C朗已經接受左祖記開出嘅一份4年每年年薪3000萬歐元合同,最快可能聽日就會有正式嘅轉會消息。不過,為左迎接C朗,有傳祖記可能需要賣掉部份球員,其中就包括希古恩、戴巴拿等都係有機會被賣掉嘅球員。

喺西班牙已經贏得一切嘅C朗,有指佢想接受新挑戰,所以轉戰意大利對於佢黎講亦都係一個唔錯嘅選擇。由於C朗一直著開7號球衣,而祖記原來7號球衣主人古亞達度亦表態願意讓出呢個號碼。網上亦有傳C朗祖記嘅7號球衣已經亮相,一切就只等官方宣佈。

作為5屆金球獎得主,C朗雖然年齡上已經開始步入球員嘅黃昏期,但係佢仍然保持良好嘅身體狀態,因此相信佢可以為祖記帶黎巨大貢獻,甚至幫助意甲重建形象!

如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025