{ SKIP }
文:MenClub 波特先生  圖:互聯網
POSTED ON 13 Jul 2018

世界盃決賽將於香港時間7月15日晚上11時正時展開,究竟上線會係法國定係比利時出線,下線會係克羅地亞定英格蘭出線呢?無論係邊一隊都好,呢場決賽都將會有大批球迷入場欣賞!

而今屆世界盃決賽,將會喺俄羅斯莫斯科極具歷史嘅盧日尼基球場(Luzhniki Stadium)舉行,呢個球場早喺1956年已經落成,球場可容納81000名球迷入場觀賞比賽。而為左迎接今屆世界盃,俄羅斯當局特意為喺2017年翻新,最終變成如今大家見到嘅呢個球場。

盧日尼基球場作為俄羅斯最具歷史嘅球場,係俄羅斯國家隊嘅第一主場,而並不屬於任何一支球會的。不過,其實早喺今屆世界盃決賽前,呢個球場已經進行左6場比賽,其中包括揭幕戰俄羅斯vs沙地阿拉伯、德國vs墨西哥、葡萄牙vs摩洛哥、丹麥vs法國、俄羅斯vs西班牙及克羅地亞vs英格蘭。

相信到時決賽,盧日尼基球場將會坐爆全場,迎來今屆世界盃最好氣氛嘅一個比賽日,究竟邊一隊可以拎到今屆冠軍呢?係咪真係會有一支新嘅隊伍能夠首奪世界盃呢?!

而今屆世界盃決賽門票情況亦都非常誇張,除左全部門票已經售罄之外,網上亦都可以睇到決賽門票嘅二手情況。本來,決賽日最貴嘅門票為66000俄羅斯幣,亦即係8200港元左右,不過二手網站嘅售價最高竟然超過100萬港元,即係比原價高出超過120倍

當然,呢個位置絕對係觀賞決賽嘅最佳位置,但係坐長黃牛飛卻非常唔可取,所以大家都係留番喺電視機面前睇呢場決賽啦!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024