自從與Mayweather進行完「世紀之戰」後，McGregor已經好一段時間無進行比賽，咁都係嘅，佢喺世紀之戰入面賺到數千萬美元，真係可以比佢慢慢休息享受下人生。而近日McGregor繼續訓行訓練期間，更不忘與只有1歲嘅兒子Conor Jr.玩玩，睇佢個仔個樣又真係好似成個戰鬥格咁，唔通佢會繼承爸爸嘅事業？

日前，29歲嘅McGregor喺訓練室入面被拍得與仔仔玩樂嘅情景，而呢位UFC雙料冠軍爸爸，將仔仔放喺墊上面，仔仔更爬在爸爸身上，看似要將爸爸擊倒一樣。

雖然只有1歲，但Conor Jr.已經可以籠籠咁企喺度，並一直望住爸爸訓練，好似好想參與其中。而訓練期間，McGregor亦繼續有關心兒子，並且與佢擊掌。

人仔細細嘅Conor Jr.蹲住嘅動作亦好有搏擊選手嘅模樣，睇黎有住McGregor嘅血統，相信佢未來都絕對唔係一個普通人。

更加有趣嘅係，McGregor竟然將仔仔放喺一架單輪手推車上面，而仔仔竟然非常悠然自得，好舒服咁嘅樣，真係好有大將之風呢！