- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
| 90後可能未聽過，其實香港在N年前曾經有「玩具天堂」的美譽，所出品的玩具揚威海外。但這個「成功需父幹」的玩具大王年代，香港玩具只出名在生產方面的「硬件」上，說到設計、開創潮流能力等「軟件」，就要數到90年代以後Michael Lau等大師相繼出現，才逐漸在國際打響名堂。 在本土潮流玩具界最輝煌的日子，香港經常會舉行大型玩具展「TOY SOUL」，但到了2004年毅然停辦。有人說香港玩具界已走下陂，不過大家都有眼見Hot Toys等廠的12吋figure賣得何等瘋狂，所以很多人仍堅信本地設計的玩具仍大有市場。一別十年，今年TOY SOUL終於復辦，自然引來一眾大型本地玩具商參展，一班中堅設計師亦齊齊歸位，大力支持，無他，大家都是想香港玩具界的成功能延續下去。 | |
| |
| 復辦的TOY SOUL，將於12月舉行，但現時大會已在進行預展，預先給大家過目展覽陣容，Michael Lau、Kenny Wong、Winson Ma三位設計師，以及既係前LMF成員、又係著名插畫師及設計師的Prodip Leung都曾經蒞臨撐場。Prodip更為大會設計了吉祥物Kiefer，先聽他講講Kiefer係乜家科，同埋他點睇TOY SOUL復辦。
大會製作的Kiefer宣傳品
預展日期：即日至11月11日 | |
| Michael Lau：希望孕育到新人 曾被《福布斯》推舉為90年代創立及帶領搪膠figure潮流的「公仔教父」Michael Lau，一聽聞TOY SOUL復辦，就二話不說要參加，到時他會展出Tattoo的金色及黑色限定版，更會在場內限量發售（數量未定）。兩款限定版Tattoo的藝術成分比較高，有別於一般可以玩的搪膠公仔，選擇展出它們，除了因為Tattoo是Michael Lau代表作Gardener系列中最受歡迎的角色外，更因為這兩款限定版之前只在韓國及台灣展出過，今次正好藉着TOY SOUL帶它們「回家」。Michael還說搞show一定要展出限定版，「會場同外邊都買到，咁樣冇意思。」 Michael回想當年，TOY SOUL最多試過一年舉辦三次，隨時幾日賣完千幾隻figure，追貨追到暈，Gardener系列正是在TOY SOUL誕生，所以他也對TOY SOUL存有感激心態。「就係有TOY SOUL，先有我哋嘅出現。TOY SOUL孕育咗我哋出嚟，我都希望而家TOY SOUL再出現番嘅時候，可以再孕育一班新嘅人出嚟，始終佢哋係需要一個平台去展出佢哋啲作品。」 其實Michael更覺得TOY SOUL在今時今日舉辦，還有另一番意義，「而家好似冇咗手作仔咁，大家只顧住玩手機。TOY SOUL嘅原意就係希望大家搵番啲比較實質、摸得到嘅玩意，唔好一味追求耷低頭嘅玩意。」
| |
| Kenny Wong：有最新設計同技術 曾經獲得香港十大傑出設計師獎的「KENNYWORK」創立人Kenny Wong，在TOY SOUL停辦前，仍是以知名figure系列「鐵人兄弟」美術總監的身分去參展，而今次展出的，正是他後來創造、聲言已經成為他一切的可愛公仔Molly系列的一些特別版。對於這十年的停辦，他形容係「休漁期」，「其實香港係一個好怪嘅市場，地方好細，但需求好大，我哋做嘅嘢唔能夠每一日都滿足到市場，所以停一段時間之後，大家準備好晒，今年齊齊攞晒啲最新最好嘅設計同技術出嚟，啲人會更期待件事。」
| |
| Winson Ma：好似join番個party 同係「鐵人兄弟」品牌創辦人之一的Winson Ma，後來也成立了屬於自己的「猿創作」，創造出多個猿人figure系列，更於2012年獲美國玩具網站mwctoys選為當年最佳搪膠人偶設計師。他覺得今次再參展TOY SOUL，「好似見番班老朋友，join番個大party咁，好開心！」所以他特意挑選了2006年第一代「猿人極地探險隊」的猿人Jungle figure展出，而且因它曾被探險家李樂詩帶到南極一同考察，所以最富紀念性。不過，Winson最新「猿人重工拯救隊」系列的第一隻figure，亦打算在TOY SOUL上作預售，有興趣的朋友要留意了。
| |
| 其他預展展品
| |
TOY SOUL 2014 日期：12月17至21日 地址：九龍灣國際展貿中心3樓匯星（Star Hall） 時間：10:00-20:00（12月21日開放至18:00） 門票：$20 網址：www.toysoul.hk | |