2016-17球季，「瑞典神塔」伊巴謙莫域為曼聯上陣46場攻入28球，表現非常出色。不過好可惜臨近季尾「呂布」卻不幸右膝受傷，接受手術後需要休息大半年時間，雖然佢可以話以超乎常人嘅速度康復，但就未來回到受傷前嘅狀態，最終曼聯決定放棄佢，而佢亦選擇轉戰美職。

其實唔好睇伊巴謙莫域可以繼續踢到波，其實當時佢呢個受傷係非常嚴重的，佢能夠康復繼續踢波絕對係奇蹟。

而呢位霸氣十足嘅前鋒日前就喺社交平台發佈左一張相，可以睇到相入面係佢岩岩經歷完右膝手術之後嘅情況，其膝頭上面充滿傷疤以及縫針嘅線頭，真係非常恐佈。雖然係咁，伊巴謙喺相片嘅留言係:「佢地話我已經玩完，但我唔信！」

確實呢位射手轉戰美職之後表現出色，近17戰已經轟入15球，其中包括近期上演嘅帽子戲法，助球隊洛杉磯銀河反勝對手。佢以表現證明自己嘅球員生涯仲未完結，佢仍然可以踢落去，佢成功令一眾睇死佢嘅人收聲。