《一拳超人》係日本網絡漫畫家ONE所畫嘅幽默格鬥漫畫，佢曾經喺讀賣新聞社主辦嘅「SUGOI JAPAN Award 2015-最想向海外介紹的日本流行文化」評選中獲得漫畫部門第7名，以及「SUGOI JAPAN Award 2016」評選中獲得漫畫部門第1名，係非常受歡迎嘅作品。

雖然MenClub應該唔少人都有留意《一拳超人》呢部作品，但循例都同大家講講《一拳超人》嘅故事︰《一拳超人》故事發生喺一個類似地球嘅星球，而呢個星期有好多擁有超能力嘅奇怪生物。各種具有超自然力量嘅「怪人」不斷出現並造成災難，為咗打擊佢哋，由某富豪所創立嘅「英雄協會」開始招募全世界嘅能人異士成為職業英雄與怪人對抗。故事主角埼玉就係一名英雄，佢具有無敵嘅力量，可以輕鬆打倒敵人，但正正因為咁，佢反而對此感到無聊，只有喺佢遇見有挑戰性嘅對手時，先可以興奮起來。而喺一連串事件中，埼玉遇見各式各樣嘅英雄、反派同怪人，並收咗改造人積羅斯做為徒弟，加入英雄協會以獲得官方認可。

而《一拳超人》第一季已經播完好一段時間，粉絲們一路都期待快啲出第二季，Finally，官方最近就宣佈，《一拳超人》第二季確認於2019年4月開播！係就係有排等，但有目標總好過無了期咁等丫！

一齊睇睇第二季首個預告片啦！