Megahouse出嘅Portrait.Of.Pirates(P.O.P)一直都係《One Piece》人偶中最高質嘅作品，而且佢哋仲有男士最愛嘅「Ver.BB」 （Bathing Beauty），睇見一個個女角著晒性感泳衣，男Fans又點忍得住唔入手呢？繼Megahouse於2015年推出女帝Ver.BB至今，都已經成3年咁耐，為咗紀念「P.O.P女帝Ver.BB」3週年，P.O.P決定為此推出「P.O.P女帝Ver.BB」3週年限定版，望見女帝凹凸有致嘅美好身材，唔買真係對唔住自己呀！

呢次「P.O.P女帝Ver.BB」3週年限定版嘅女帝著上銀色泳衣，尺寸高約15cm，售價稅入大約9720日元。

目前「P.O.P女帝Ver.BB」3週年限定版已經開始開放預購，預計2018年11月推出，有興趣嘅巴打快啲上官網買啦！