車路士球星「夏神」夏薩特此前曾表態想加盟皇馬，而有傳皇馬亦都有興趣，但最終只聞樓梯響，雙方並未真係坐低展開談判。如今新一季英超已經開鑼，夏薩特亦喺近期接受訪問期間表態願意留隊，而為保安全車路士已經準備向呢位球隊核心提前續約。

夏薩特喺今夏嘅世界盃表現出色，帶領比利時打入四強，並最終拎到季軍。因此，皇馬有意簽下夏薩特用以取代離隊嘅C朗拿度，而車路士亦願意還價，但就要價2億歐元，呢個價錢隨即嚇怕皇馬取消談判。

27歲嘅「夏神」目前同車路士嘅合同喺2020年夏天就會到期，亦即係話明年夏天將會進入合約年，屆時如果「夏神」唔同車路士續約，咁樣佢隨時就可以喺2020年夏天免費離隊，呢個係車路士絕對唔想見到的。因此，最新消息指車路士已經準備為「夏神」開出週薪30萬鎊提前續約。

目前，夏薩特嘅週薪為20萬鎊，雖然已經係車路士隊內最高薪球員，但係對比其他球隊嘅核心球員仍然有唔少距離，好似曼城嘅比利時同胞迪布尼週薪、曼聯嘅山齊士、皇馬嘅巴利等週薪都係35萬鎊。而今次則使車路士今次為佢加薪至30萬鎊，亦都達唔到以上提到嘅球員嘅高度。

所以，如果車路士想留住夏薩特，可能最終需要為佢加薪至35萬鎊，否則佢大可以再等一年再以自由身選擇加盟其他大球會，屆時佢可有有更大籌碼要求更高嘅人工。

新球季面對阿仙奴精華：