{ SKIP }
文:MenClub 波特先生  圖:互聯網
POSTED ON 30 Aug 2018

巴西前鋒阿祖安奴呢位球員相信大家都一定有印象,特別係當年有玩Winning嘅球迷,因為佢嘅射門力度係達到全Game最高99的,每球射出去都勁到門將難以撲救的。而真人嘅佢,當年效力國米嘅時候就最風光,憑住其「黃金左腳」為球隊帶黎唔少入球,其後更被球迷稱為「國王」,可想而知佢有幾出色。

可惜嘅係,阿祖安奴其後因紀律問題,再加上放縱私生活,所以好快就墜落,唔好睇佢好似離開左球壇好耐,其實如今嘅佢都只係36歲。

而對阿祖安奴有認識嘅球迷都知道,令到阿祖安奴一沉不起嘅,其實就係其父親嘅離世,呢個結果令到其生活感到無比空虛,並開始沉迷於酒精當中,從此表現每況愈下。對於阿祖安奴嘅清落,作為當時國米嘅隊長,J辛尼迪曾表示自己最大嘅失敗,就係未能將阿祖安奴回轉過來。

阿祖安奴近期接受訪問講番當年嘅情況:「我嘅痛苦只有我自己先知道。」

「我父親嘅離世帶比我巨大嘅空虛,我感到非常孤獨,佢死後一切都變得更差,因為我孤立我自己。」

「我獨自一人在意大利感到孤獨、悲傷及沮喪,然後我就開始飲酒了。」

「我飲酒嘅時候好快樂,我每晚都會飲。我會飲一切我飲到的:紅酒、威士忌、伏特加、啤酒,非常多嘅啤酒。」

「我無停過飲酒,最後我不得不離開國米。」

「我唔知點樣隱藏,我早上到訓練場地前都會飲酒,即使我飲到好醉都會出現,然後軍醫會帶我走去訓覺,然後國米方面會對外公佈我肌肉受傷。」

「其後我開始明白問題在於我身邊嘅朋友,因為佢地唔會做任何野,只會帶我去搵女人及飲酒,務求唔諗任何野。」

「其後我重返巴西,放棄巨額人工,但我成功尋回快樂。」

由於過份酗酒及放縱生活,阿祖安奴曾經變成一個大肥佬,令佢難以再搵到一份職業合同。不過,如今嘅佢已經減肥成功,搵番接近昔日嘅身型,實在係有啲感動。而阿祖安奴嘅事件令我地明白,其實人生最重要嘅都係尋回快樂,各位球迷你們快樂嗎?


經典動作飛車電影《狂野時速(Fast Furious)》系列即將迎來最終章!Vin Diesel日前向Fans透露,《狂野時速11》預計在2027年4月正式上映,而且由已故演員Paul Walker飾演嘅角色Brian O'Conner將與唐老大(Dominic T ...
hobby
【最終章】Vin Diesel證實《狂野時速11》在2027年上映:Brian O'Conner將與唐老大重聚
30 Jun 2025
唔知美國版《魷魚遊戲》會玩咩童年遊戲呢? ***注意:以下內容含《魷魚遊戲》第三季劇透*** * * * * * Netflix人氣劇集《魷魚遊戲》第三季在日前正式播出,歷時4年嘅故事終於迎來大結局 ...
hobby
【影視】消息指David Fincher將執導美版《魷魚遊戲》 預計2025年12月開拍
30 Jun 2025