【影音入門】如何保養清潔一下喇叭

一般發燒友係放假或得閒無野做的時間，座下來一邊聽歌一邊就會唸不如清潔一下對心愛的喇叭。那麼喇叭應該如何清潔保養？其實要清潔喇叭只需做最簡單的事，千祈小心唔好做多，做多反而累事有機會傷害喇叭得不償失。

一般幾耐清潔一次喇叭？其實個人認為唔需要太頻密去搞對喇叭，一般三個月才簡單清潔一下就可以，聽多d歌好過！值得一提的分享，好多發燒友都經歷過當你將器材好認真地一部一部重新執一次，重新佈線，再認真放好開聲再聽，感覺會好像好聽左一樣。(除了心理作用，其實一大堆線材交叠係會產生干擾同雜訊故，執執清理重新佈置好聲左不足為奇！)

音響喇叭係無法一本天書讀到老，故所有網絡或坊間提供的清潔方法無法滿足所有人不同的喇叭，只能作一個大體的參考，請依據你使用中的喇叭特點例如是木箱體或金屬箱體甚至石頭喇叭或膠喇叭自行調節方法。

一、清潔喇叭箱體(以最大路木箱體為參考)

清潔喇叭其實好簡單，只需要準備一下少少工具即可，但謹記千萬千萬千萬唔好拿出化學清潔濟如碧麗珠等等……………以免一噴一抹後悔莫及

你其實只需要準備兩塊柔軟的高品質超細纖維布(個人建議全新有包裝新開的) ，因為必需要確保乾坤無雜物，勿讓抹布變沙紙弄花喇叭，另外加個氣泵仔用來吹走塵, 和一枝蒸餾水(你能保證你家出來的水無混質經過濾也可以)

首先請緊記除下你的手錶首飾等物品，很多人都有佩戴首飾或者手錶等飾物的習慣，但這些尖銳硬物很可能會在擦拭的過程中直接對箱體產生磕碰或是刮痕，要避免不必要的損傷，試想想手中勞力士硬撼天價喇叭，邊一方花左都唔好。

然後使用氣泵仔吹掃喇叭，用氣泵仔一吸一吹整個喇叭箱體，輕柔去除可能進入箱體的微小塵埃。不要小看微小顆粒，它們比你想像中更容易劃傷漆面。因此開始用布擦拭之前，將這些東西吹走有助於避免箱體的意外損壞。

到抹布出場時間，準備好的兩塊超細纖維布，一塊沾水後擰乾，另一塊保持乾燥

將其中一塊清潔布浸泡於蒸餾水中(無錯唔好省一支水的錢)，之後充分擰乾，另一塊清潔布則唔駛沾濕。

然後用擰乾的布輕輕擦拭喇叭箱體，再將充分擰乾的超細纖維布折疊好，緩慢輕柔地擦拭整個喇叭箱體，不過要小心唔好擦拭和碰觸到高音單元。

最後再使用乾布再次擦拭，接下來，使用乾燥的超細纖維布重複上一步驟，仍然緩慢輕柔擦拭箱體的每個部分。

係咪超簡單呢？無錯，正是如些的簡單，不要做多，唔駛做多，唔好試圖去做任何treatment

按照上述方法清潔喇叭的箱體後，如果你發現喇叭表面有些許刮痕，應該點做呢？我建議都係無為而治唔好亂來，唔好唸住自行打磨下喇叭去除花痕，除非你已唔介意愈搞愈衰

真係唔掂，建議聯繫你喇叭經銷商問下有關的售後服務有無得搞，或發送划痕細節照片比代理。(唔好同我講一定無人理你，睇唔同公司，有些代理真的好好！)

喇叭箱體清潔完成，咁單元駛唔駛清潔？通常高音單元方法其實很簡單：用氣泵仔輕輕吹一吹。網上有建議用口吹，但要留意你是何種高音單元，軟半球或尖鼻子高音就可以用口吹下，如果是鋁帶高音千祈唔好用你個口吹d口水落去。

其實清潔低音單元同喇叭音廂一樣都係你可以使用乾燥的超細柔軟纖維布進行清潔，抹下就得。如果低音單元見到沾上頑固的污漬，你可試用充分擰乾的濕布進行清除，然後再用乾布輕輕擦拭，這樣就能順利完成清潔。都係唔好亂用清潔濟

咁有無需要用任何清潔濟去清潔喇叭，都可以就係落喇叭背後接線柱的金屬位置，坊間可以買到一些專門清潔金屬插頭清潔劑或有些叫connector conditioner  (譯: 接口位狀態調節劑) ，專門用落喇叭接線柱金屬清潔例如有個品牌叫eoxIT，對於金屬用正確的對應物就唔同，但睇清楚不要亂用錯清潔濟。

隔一般時間就清潔一次喇叭，係玩音響的其中一種樂趣，當你得閒無野做時，不坊試試重新執一執套機清潔一番，你將會感覺重新的喜悅，反正所費無幾。