{ SKIP }
文:MenClub 波特先生  圖:互聯網
POSTED ON 11 Sep 2018

電單車比賽可以話係一種非常危險嘅運動,佢地有賽車嘅速度感,但就少左賽車嘅保護,因為電單車手們係「皮包鐵」的,稍一不慎發生意外的話,車手隨時嚴重受傷,甚至死亡。作為車手理應對比賽嘅危險性最清楚,但日前卻有車手不惜以身犯險,蓄意想令對手發生意外。

較早前進行嘅Moto2聖馬力諾站賽事,比賽期間22歲意大利車手Romano Fenati竟然伸手去撳對方車手Stefano Manzi嘅「迫力掣」,場面令唔少車迷感到震驚。幸好最終Manzi只係輕微失控左一下,無做成嚴重意外,影響並唔算大。對於Fenati嘅不智行為,賽會立刻即場舉黑旗對其取消資格,並喺未來兩站需要被停賽。

對於Fenati撳人「迫力掣」嘅行為,睇番比賽就知佢係為左報復Manzi,因為後者兩次喺比賽期間影響Fenati,第一次Manzi為左攝內彎令Fenati同佢一齊衝出跑道,其後又有一次Manzi強行再攝內彎,令Fenati差啲失控需要減速平衝,就係呢兩次令Fenati忍無可忍,最終出手撳掣!

而喺比賽後段,Manzi衝左出場外並被迫退出比賽,見狀嘅Fenati非常興奮振臂高呼,但係最終佢自己亦都因撳人掣而被取消資格。

其實今次已經唔係Fenati做出咁不智嘅行為,佢三年前亦都試過比賽期間用腳踢人地架車,又幫人地熄匙,絕對係花樣百出!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024