籃球 - 相信唔使講大家都知道一定係圓形球體的(唔計未充氣前)，而如果你想練習射波姿勢、準絕度等，基本上你都一定係拎住個籃球黎練。不過，呢個本來以為係絕對嘅事，近日卻有可能改寫！

一間名叫QUBE嘅公司，近期就發明出一個聲稱可以改善投籃嘅工具，而呢個工具特別之處係用以取代籃球，但佢卻係一個正方體。

從QUBE公司發放嘅影片可以睇到，練習嘅球員只需要拎住呢個QUBE黎投籃，就可以大幅改善投籃姿勢及準繩度，數據上更驚人地顯示準繩度可以由原來25％大幅提升至75％，令人驚訝呢舊QUBE點解會咁神奇。

QUBE公司表示，QUBE可以幫你培養投籃時適當嘅肌肉記憶，並可以完美適用於真正嘅籃球上。所以當你掌握到投射QUBE後，你將發現你投射籃球嘅時候每一球都會擁有正確嘅弧線，結果會立竿見影的。

不過，作為NBA第一人，甚至可能係目前地球上最出色嘅籃球員，LeBron James卻對QUBE非常反感，並在社交媒體上評擊呢個工具。LeBron James表示：「請停止吧！這是純正籃球運動的惡夢！我現在就要去報警抓你們這些欺詐犯了！」

Man please stop it!!! That’s bad karma for the game of PURE basketball! I’m sending the  to apprehend the frauds now https://t.co/P30Q2LrlJO

— LeBron James (@KingJames) 2018年9月13日

唔知咁樣比LeBron批評，呢間公司仲可唔可以繼續生存落去呢？