{ SKIP }
文:MenClub 佳拿  
POSTED ON 14 Sep 2018

曾幾何時,虛擬歌手 / 虛擬樂團 (Virtual Band) 呢個話題引起過各地樂迷嘅熱烈討論。到底「虛擬」出嚟嘅歌手,樂團,同埋佢哋製作出嚟嘅音樂作品,是否「真正」嘅音樂呢?位於亞洲嘅香港,相信對「虛擬歌手」的認知可能係嚟自日本「VOCALOID」家族,即係以初音未来為首,基於「VOCALOID」軟件嘅一眾虛擬歌手。

咁喺西方社會嘅音樂世界呢又有無「虛擬歌手」呢個概念呢?當然有啦,而且仲玩到上哂大場面。其中,Gorillaz 呢一隊虛擬樂團可以話係當中嘅表表者。

Gorillaz 現時係由 2D,Ace,Muredoc Niccals,Noodle 同 Russel Hobbs 五位虛擬角色組成(無錯,Virtual Band 都會有隊員更替呢吓絕),而且呢隊虛擬樂團嘅背後,係由英國樂團 Blur 嘅 Vocal — Damon Albarn 同埋 英國 Artist — Jamie Hewlett 創造出嚟,當中更係由 Damon 一手包辦哂樂團入面嘅所有 Role。Gorillaz早於 2000 年嘅時候已經發行首支EP,並喺 2001 年發行樂隊同名 Album。

發展至今,Gorillaz除咗拎過唔少英國本土音樂獎項外(例如MTV Video Music Awards 同NME Award),喺美國嘅口碑亦唔錯,專輯銷量更多次比英國本土為多,更曾經喺 2006年憑住 "Dirty Harry" 奪得 Grammy Awards。我個人認為,多年嚟人氣不跌反升,依舊備受注視嘅原因係:樂團作風明確,就係夠喪夠癡線。無論係樂團成員嘅背景,故事,又或是作畫風格同埋音樂風格,都係好Crazy!

Gorillaz - Dirty Harry (Official Video)

Gorillaz 嘅出品唔算出得密,亦都唔算出得多,更加曾經喺 2010 至 2017 年呢 7 年間完全無新 Albums 面世,所以一片沉寂之後,引來嘅回響就更加大,而最新專輯 《The Now Now》亦喺三個月前面世。唔知係咪因為上年嘅 Comeback 專輯造勢太強,而擔心今年新專輯嘅銷情呢?Gorillaz 喺琴日將最新專輯中嘅歌——《Tranz》嘅Music Video 釋出,仿佛係叫緊樂迷們唔好唔記得我哋咁;而 MV 嘅風格都係一貫嘅 Style,無論係背景配色,又或是虛擬角色們嘅動作,都係誇張得嚟吸引眼球。

承接返文章一開頭所講,點解要製作「虛擬」出嚟嘅歌手去出品音樂呢?我自己就兩睇嘅,其中一種就係因為創作者嘅局限,就好似「VOCALOID」咁,製作人需要嘅人力物力以及樂器技能大大減少,亦唔需要用自己嘅聲音演繹;而另一邊就係 Gorillaz 咁,如果以現實人物去構作樂團嘅背景同故事,係好難做到「我擺到明係癡線」嘅效果,因為「虛擬」出嚟嘅,可以吹到有幾大得幾大,同時佢嘅創作靈感同空間亦唔會畀現實局限住。當然啦,你話拎嚟做Gimmick亦十分合理。但係就算捨唔捨去其虛擬元素,Gorillaz 嘅出品依然一樣係有靈魂嘅優良傑作。
真係慶幸足球壇仲有簡迪!
hobby
世界最謙遜球員簡迪:「逃稅?我過唔到自己個關!」
15 Nov 2018
【新戲上映】台版《比悲傷更悲傷的故事》入戲院自虐爆喊 有一些電影的類型,目的好清晰,你知道觀賞後會得到甚麼,然後你會有兩種看法,第一種想法,無需思索單純的去看,目標為本嘛。第二種想法,我就不相信,看 ...
hobby
【新戲上映】台版《比悲傷更悲傷的故事》入戲院自虐爆喊
15 Nov 2018