{ SKIP }
文:MenClub 波特先生  圖:互聯網
POSTED ON 19 Sep 2018

全場比賽

2018-19球季展開左無幾耐,上海大師賽就正式舉行,而目前世界排名第3位嘅「火箭」奧蘇利雲成功打入決賽,對手係成功擊退馬克威廉士及丁俊暉嘅鶴健士。雖然一度落後4:6,但係憑住穩定嘅後勁成功收復失地,最終以11:9反勝對手,成功衛冕賽事冠軍。

今次上海大師賽奪冠,係「火箭」生涯第31個非排名賽嘅冠軍,而佢亦成功拎走賽事20萬英鎊冠軍獎金。

現年42歲嘅雲蘇利雲,可以話越老越可愛,去年狀態可以話達到生涯之巔,竟然單季奪得5個排名賽冠軍,個人生涯則累積奪得33個排名賽冠軍,排名歷史第二,僅次於亨特利。

而黎到新一季,「火箭」嘅狀態明顯未有滑落嘅趨勢,佢先後喺16強、8強及4強分別擊敗羅拔臣、冰咸及威爾遜,最終與鶴健士會師決賽。決賽中,雙方上半場大打對攻戰,而鶴健士嘅表現比「火箭」表現更加好,最終以6:4領先。

不過進入後半場,鶴健士失誤開始增加,「火箭」睇準機會乘勝追擊,成功收修失地,並一口氣反超,最終完成逆轉,並且喺局數10:9領先下,「火箭」更加打出一桿122:0完結比賽。

再一次「火箭」成為賽事冠軍,呢個畫面實在已經見慣見熟,面對住究竟幾時退役嘅問題,「火箭」覺得自己退役之後都無乜其他野做,屆時可能會去參加元老賽,咁樣佢仲算唔算係退役呢?不過,面對住桌球壇仍然被「75三傑」統治,究竟一班年輕球手幾時可以接棒,成為桌球圈嘅話事人呢?

我會唔會走唔出遊戲世界架?
hobby
【極迫真】GTA最新一集畫面將達到電影級別!
16 Aug 2019
PlayStation最新產品唔係PS5,而係新色澤手制同無線立體聲耳機 PS5要等到下年先有新消息公佈,不知不覺原來玩左PS4有6年咁耐,DualShock 4無線手制都己經出左25種顏色,比我所能理解數得出的色彩數目更多,最新 ...
hobby
PlayStation最新產品唔係PS5,而係新色澤手制同無線立體聲耳機
16 Aug 2019