{ SKIP }
文:MenClub 波特先生  圖:互聯網
POSTED ON 19 Sep 2018

全場比賽精華

新一季歐聯分組賽尋晚正式展開,當中C組可以話係今年其中一個死亡之組,因為小組入面分別有利物浦、巴黎聖日耳門、拿坡里及紅星,前三支都絕對屬於歐洲勁旅,而尋晚第一戰已經好快上演利物浦vs巴黎聖日耳門嘅重頭戲。

作為C組入面可能最強既兩支隊伍,利物浦同PSG嘅對戰將好大機會分別出邊一隊會成為小組首名,所以雙方對於第一戰已經處於不容有失嘅位置,而結果亦睇到雙方傾盡全力,最終利物浦以3:2絕殺險勝PSG,取得歐冠盃一場非常重要嘅勝利。

今場比賽,利物浦領隊高普將與熱刺比賽時傷了左眼嘅法明奴先任後備,並以英格蘭射手史杜列治出任正選箭頭,而呢個決定亦好快收到奇效。上半場30分鐘,史杜列治接應隊友左路傳中躍起一頂成功破網。

相隔幾分鐘後,利物浦再獲一個12碼,占士米拿擔任劊子手射出一記貼柱地波,PSG門將雖然捉岩路但飛到盡都救唔到,因此利物浦2:0領先。

不過好快,PSG右閘美奧尼亞憑住對方門前解圍失誤快腳一射,紅軍門將阿里遜反應唔切只可以目送個波入網。

下半場82分鐘,尼馬持球一路推進殺入禁區,喺禁區邊之際利物浦守衛嘅攔截改變左個波方向,而咁岩正正落喺旁邊嘅麥巴比腳下,後者右腳一控一射,成功助PSG追成2:2平手。

正以為雙方將握手言和之際,後備入替史杜列治嘅法明奴成為救世主,佢喺比賽進入補時階段下,喺對方禁區精彩左腳一拐右腳射遠柱收死對方門將,就係咁利物浦以3:2絕殺PSG。

今場可以睇到,利物浦如今嘅前鋒陣容可以話係歐洲最豪華之一,佢地唔單只擁有沙拿呢位上屆英超最佳,佢地仲有法明奴及文尼兩位頂級射手,如今連被冰封多時嘅史杜列治亦回歸,呢四大天王真係足以令歐洲豪強都聞風喪膽。

目前,利物浦以5戰全勝排名英超第2位,僅因得失球落後於榜首嘅車路士,而其中4位射手目前喺英超嘅入球數為:文尼(4球)、法明奴(2球)、沙拿(2球)、史杜列治(1球),合計攻入9球,而喺歐聯法明奴及史杜列治又各入1球,所以今季至今4位射手已經為利物浦合共交出11個入球,絕對係冠絕英超!

【藝術級玩食物?】意大利食物雕刻師鬼斧神工製作西瓜咕嚕 意大利有位食物雕刻師「Valeriano Fatica」精於雕作食物,佢的高超技藝絕對係鬼斧神工,最近佢係自己的網頁上面公開重放上自己過去雕刻過的超級 ... .. ...
hobby
【藝術級玩食物?】意大利食物雕刻師鬼斧神工製作西瓜咕嚕 ... ... ... ... ... ...
19 Aug 2019
比我就快啲送走佢啦!
hobby
【搵到水魚?】曼聯終有機會送走山齊士!
19 Aug 2019