其實全世界好多大學的科技人員都研究開發緊下一個世代的影音聲學新科技，近日，卓有成效的是英國著名的BBC，佢地正式發表推出左全新的3D音頻技術。最新的BBC音頻技術的研究提供環繞聲解決方案，或許將來我地唔再需要用連接線材和昂貴的喇叭就能達到真實的聲音重現。

3D立體音頻可以講不是甚麼新穎的想法，但涉及的大多數都係技術 - 現有我地接觸到的最好的3D環繞聲音再現無論是杜比全景聲（Dolby Atmos）還是德國Sennheiser推出的Ambeo--都需要你先擁有專用的設備建構（如好多對喇叭，耳機和帶解碼器的接收器）才能充分體驗得到。

但最近有一個全新的科技項目發表，一個叫S3A的項目團隊 （BBC R&D 及三間英國大學包括 the Universities of Surrey, Salford, Southampton四方組成)的研究人員聲稱已經搵到了一種方法，通過大家已經擁有的設備中的喇叭將沉浸式空間音頻體驗帶入你的家居 - 當中包括智能手機，平板電腦和筆記薄電腦都可以體驗到。

S3A團隊正在測試一條新的13分鐘的科幻劇“The Vostok-K Incident”。佢地提出的構思係，只要家中連接的設備越多，音效體驗越多，可以解鎖沉浸式空間方面以及額外的隱藏內容。

其實BBC團隊係上年已經推出左一個VR虛擬實境短片「The Turning Forest」，嘗試係VR中加強大家體驗沉浸式影視，入面其實已用左呢種新的音頻技術令到大家覺得聲音好立體從而幫助VR體驗。呢個短片係2016年就推出左，而仲後來贏左個叫TVB Europe Award for Best Achievement in Sound的獎項，我只能話此TVB不是你所認識的TVB。有興趣都可以試體驗一下The Turning Forest

S3A提出的是“基於對象的媒體” (‘object-based media’)技術旨在通過分離混音中的聲音並使用“智能”系統來解釋如何重新建構聲音的說明《科技真好難小編唔識好好咁譯出來》但知道重點是以下的果--＞無論人們連接什麼設備以及它們在房間中的位置都能夠再現音頻。只需要基於房間網絡內連接的喇叭 。 唔明嗎？即係加左呢個技術的聲源就可以係你網絡內連接的任何喇叭一起重現3D的環繞聲音效，由一部機舉例你的一部手機，再進而連到好多好多部唔同的裝置只要佢有喇叭又連到就可以一路加上去建成最複雜的3d環繞聲效，但一部機都可以做到基礎的3d聲效。 而技術是做影音源頭後期製作混音開始加入(能否普及就睇呢種後期製作能否簡化和免費開源以及有無其他大合作商戶)

呢個技術已被BBC R＆D的Kristian Hentschel和Jon Francombe描述評價為“毋需線材和昂貴的喇叭的環繞聲系統”和“令人興奮的空間音頻體驗，將徹底改變家庭娛樂”。

有興趣試玩的朋友大可以去BBC Taster的網試玩一下佢地的The Vostok-K Incident短片，睇下是否能體驗佢地所指的3d聲效，據介紹只要跟住佢一步步增加唔同的裝置就可以加強多部裝置體驗更強。至於我地的未來會唔會因為呢個新科技改變到我地的影音的發展就要學特首話我地拭目以待…….