Megahouse出嘅Portrait.Of.Pirates(P.O.P)一直都係《One Piece》人偶中最高質嘅作品，而且佢哋仲有男士最愛嘅「Ver.BB」 （Bathing Beauty），睇見一個個女角著晒性感泳衣，男Fans又點忍得住唔入手呢？之前P.O.P Ver.BB系列之前出過幾次女帝模型，今次終於輪到另一女角「大食者」茱葉莉·邦妮出馬！

茱葉莉·邦妮係《One Piece》漫畫中，超新星11人之中嘅其中一人，同時亦係邦妮海賊團嘅船長，特徵係粉紅色長頭髮以及鮮艷嘅唇膏，能力係可以將人變老或變年輕，另外佢亦係一個大胃王，同路飛有得揮，所以又名「大食者」。

而今次P.O.P茱葉莉·邦妮Ver.BB模型叫得「Ver.BB」，當然係行性感路線！呢次嘅模型就見到茱葉莉·邦妮著上迫爆比基尼，配上超短熱褲加埋性感吊帶，認真不得了！

目前P.O.P茱葉莉·邦妮Ver.BB模型售價10098日幣（連税），網路預約時間由2018年10月5號下午1點開始，有興趣嘅朋友就留意下喇！