湖人傳奇Kobe Bryant球員生涯中最經典嘅其中一個時刻，一定包括Matt Barnes喺Kobe面前近距離假傳嚇佢，但Kobe竟然毫無反應，驚都唔驚一下，完全違反人類對反射動作嘅認知，側面說明呢位傳奇無畏無懼嘅精神。不過，日前就有網友質疑Kobe呢個組典時刻，認為佢無被嚇倒只係角度問題，事實又係咪咁呢？

近日有網友喺社交媒體重提有關Kobe嘅舊事，就係喺2010年一場湖人vs魔術嘅比賽，Matt Barnes開邊線球的時候，近距離向Kobe面部假傳想嚇嚇佢，但係Kobe對此竟然毫無反應，令所有球迷嘩然。不過，呢位網友就上載左一張以高空角度拍攝的相，質疑當時Kobe並未真正企喺Barnes前面，所以一切都只係角度問題。

單睇網友呢張相，確實會以為Kobe並未有企正喺Barnes面前，但事實上睇番影片就可以知道，Kobe當時正左右搖擺，所以當Barnes假傳一刻球的而且確喺Kobe面前，而佢完全無被嚇倒亦係100％的事實。

作為當時人，Kobe及Barnes亦確認過此事，其中Barnes亦透露當時嘅Kobe甚至眼都無眨過。而正因為Kobe呢一次無畏無懼嘅反應，令Barnes心生敬佩，最終佢決定喺2010年夏天轉戰湖人與Kobe並肩作戰。