保誠香港網球公開賽2018今年特別舉行一場「星級名人賽」，由兩項大滿貫得主李娜及樂壇巨星兼網球總會大使陳奕迅各自夥拍香港球手吳奇龍及張玲進行雙打比賽。

面對兩項大滿貫得主嘅李娜，Eason非常認真準備，同時又展現自己風趣一面，其中更喺發球嘅時候唱起歌黎，令現場觀眾歡呼聲四起。

當然，並唔係職業選手嘅Eason喺比賽期間曾出現發球雙錯誤，又將個波打到唔知去邊。不過，呢位香港歌王都有精彩嘅回擊，令現場觀眾都為佢落力打氣。

最終Eason隊都係不敵李娜隊，而比賽結束後Eason亦拎起咪為現場觀眾送上幾句《天下無雙》。

而「星級名人賽」後，世界網壇「前一姐」Garbine Muguruza亦終於上陣，雖然如今嘅因為傷患排名已經下跌至第15位，但其實力仍然係壓倒性的，最終佢以直落兩盤輕取西班牙同胞Sara Sorribes Tormo，晉級次圈。