【影音介紹】火柴盒大細的藍芽解碼Audiolab的M-DAC Nano

市場上係無同類產品，這就是創意

5月份的慕尼黑展會上英國音響廠家Audiolab展示過迷你盒仔解碼M-DAC Nano，如今終於發怖詳細細節和發售等。Nano加入成為audiolab的M-DAC系列產品，呢個英國牌子一向主打平價影音市場，講求實惠高質，即性價比路線。今次推出可能係市場上最細小，最實惠，最便攜的移動解碼。近一年都好多藍芽無線流動解碼推出，audiolab可望打入同呢方面主要競爭對手IFI廠來個對易。

不過，這產品與競爭對手的觀點略有不同。對小編來講呢部份係有點怪怪(我buy IFI多d)，同一般藍芽解碼輸出輸入的方式唔同。M-DAC Nano並唔係一邊連接訊源再放藍芽訊號出耳機？佢調轉，用藍芽作輸入源，然後做解碼再傳統方法輸出3.5MM比有線耳機輸出播放！！創新得來好out，好有英式的幽默

不過到底有無創意就唔係我一個人話事，要通過創意測試，點為之創意測試？上淘寶搵，如果淘寶完全無同類產品，就代表一件新產品成功通過創意測試，無論你覺得件野點out佢都屬於有創意的新產品。我實試過，淘寶上無咁細小又可具有32bit/ 384kHz解碼功能的DAC。算係成功通過，見到有一部size比佢大唔少的同類產品，賣998人民幣，即其實同audiolab比差唔多價，我判audiolab贏。

呢部機仔前面做解碼（通過藍牙接收數據進行上採樣）後面則是H類模擬放大作為核心，提供兩種音頻模式：“標準”和“增強”。後者旨在通過數字濾波和升級來優化音質，可保證大約6小時的播放時間，而前者播放模式有望將電池續航時間延長至8小時。

它的內置電池支持Qi無線充電，這款火柴盒大小28g重的細DAC擁有另一個漂亮功能就是節省電池，在10分鐘不播放無動靜自動關機

機仔側面安裝有64步旋轉控制器調節音量(個名咁勁睇圖即用手轉大細聲姐！)

也可以按此按鈕暫停和跳越播放。

M-DAC Nano跟機配有一個小袋，售價約1400