{ SKIP }
文:MenClub 摯樂  圖:互聯網
POSTED ON 10 Nov 2018
【影音新品】真正全能音響級別KEF LSX 無線喇叭

近年的影音發展趨勢是細小同無線,形形式式的無線藍芽喇叭推出市場,英國著名音響品牌KEF也推出了一對全能的小型喇叭仔,無線操作,連接性全面。假如你打算尋找一對細小而靚聲的無線喇叭,只要不是隨身流動型喇叭,固定放於室內任何地方的話,想必KEF係其中一個最高質的選擇。功能、聲音、色彩、技術全部佔先,買個有質素的KEF 喇叭,仲唔係家居的最佳選擇?話埋你知KEF在香港係有二手市場價值,就算你細屋搬大屋想買過對大D的喇叭,賣左都執得返大半有多,絕對適合精打細算的香港人。

假如你認識英國KEF廠牌,自然一眼就知這個新系列的LSX喇叭其實同佢的大佬 KEF LS50無線喇叭係一樣外型,實際上是一個縮細版本,迎合唔同需要的用家。LS50 獲得音響界一致的好評,由設計外表到實際應用同聲音都廣受好評。小編認識的KEF LS50用家都唔少,從最入門的新手玩家到最強大的影音達人都有LS50的使用者。可見大佬的LS50的應用性同發揮空間非常之大,識得玩的高人可以玩到佢藝術般的水平,唔識玩的賣走都好高速有二手承接。當然而家介紹的唔係LS50 ,係講緊新的LSX細佬.相同的是除左size同樣有好多獨特的技術應用,將大量的串流媒體應用智能和先進的放大技術整合哂係一個細少的廂體當中。而且唔止樣,聲音的分析力,清晰度、平衡度等聲樂指標絕對讓人眼前一亮印象深刻,怪唔得可以拿取好多音響界大獎。

 

同樣有KEF引以為傲的Uni-Q 同軸共點單元 (高音單元位於中低音單元錐體的中間),作為同軸的喇叭整個頻段範圍的聲音持續在同一個音源點發出,於是有絕佳的臨場感非凡聲音表現。而廂體上比較特別,這次喇叭的廂體同LS50明顯唔同,唔係用MDF板,改用丹麥的彩色高級布料織物編織成,有點似我們常見的其他高級無線喇叭仔的織物,不過有更多色彩可以選擇,有紅、藍、綠、黑同白色等版本。

 

KEF LSX無線喇叭主要是以無線操作,通過Lan線連接網絡或2.4GHz / 5GHz雙頻寬Wi-Fi,用戶可以通過DLNA或Tidal傳輸網絡串流音樂。當然仲有aptX藍牙、接連Apple AirPlay 2和Spotify Connect,及較傳統的光纖輸入及3.5mm輸入可以連接PS4、電視、音響系統和流動播放裝置等。更有超低音輸出可以外接超低音喇叭加強衝擊力。

LSX可以使用KEF的Control Apps進行設定(可能有原廠firmware 更新並提供可調整EQ和房間設置),仲有串流媒體可以通過KEF的Stream應用程式apps控制,非常方便。

由於係有源喇叭,機身內有個D類放大擴音機,同大佬LS50唔同,呢部是純D類,而LS50是有a/b類推高音,D類推中低音混合式,功率方面LSX是200 watt,而大部d的LS50則是230 watt。簡單講,只要上網連到wifi就已經可以播tidal爆機推到爆玩盡。

KEF同時也在申請緊一個叫‘Music Integrity Engine’ 的商標專利注冊,據說是其數碼處理運算的名稱,用來確保更準確的時基較準和確保相位一致性。

 

近代新的喇叭是愈出愈纖細同愈出愈簡易無線,方便似乎是新世代追求的影音要求,但云云喇叭當中要選擇又方便又簡易又靚仔最後仲要靚聲就有一定難度,可能KEF會是其中一個強大的選擇之一。

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025