早一個星期萬聖節就唸住搵下有無萬聖節的煲劇選擇，起初以為搵到部萬聖節的上架劇《莎賓娜的驚慄奇遇》會係萬聖節最適合的劇，點知睇睇下，唔係喎，呢套感覺設定好《哈利波特》的年輕劇集幾有趣，絕對唔單止係應節劇咁簡單，如果學魔法都係校園咁呢套一定係魔法校園劇。睇左幾集已覺得相當唔錯，可以真心推薦大家煲煲呢套魔法少女的《莎賓娜的驚慄奇遇》

女主角年輕女巫Sabrina青春無敵，故事就係講述佢踏入16歲，夠年紀成為魔法女巫，而佢本身是女巫界的混血兒，母親原是麻瓜人類，父親則是女巫世界鼎鼎大名的勁巫，不過父母雙亡加上混血的身份讓佢被其他女巫的排斥，這個完全是女版的哈利波特故事的設定。好彩開始睇就發覺都唔係對抗佛地魔，反而更有趣故事對抗的是女巫界別中古老的建制，是屬於年青一代反思和尋覓自由意志的故事。

作為一個女巫注定就同普通的人唔一樣，而年紀漸長自然就要選擇做返一個女巫應該做的事，全世界都認為理所當然的事，當主角認為要行自己的路作出反抗時，要擺脫權威和傳統又要面對幾多的艱難和阻礙………….故事其實諷刺緊現實的權威

故事

莎賓娜16歲生日要決定是否投身家族的魔法女巫世界而放棄充滿憧憬多姿多彩生活的現實，但魔法世界卻不容許她有太多自由意志選擇！