去年8月舉行嘅跨界別「世紀之戰」：Mayweather vs McGregor，最終喺Mayweather耐力佔優下成功TKO擊敗McGregor，而賽後Mayweather亦宣佈正式退役。而近期雖然有傳Mayweather可能會復出，但一直都只聞樓梯響，從未有正式嘅宣佈，邊個估到身在日本嘅Mayweather突然宣佈將會於今年年底與只有20歲嘅那須川天心開戰！

消息指，今次Mayweather vs 那須川天心嘅比賽將定於12月31日舉行的RIZIN大嗨日比賽，預計呢場比賽將再一次喺全世界引起轟動。

雖然比賽時間已家，但係究竟雙方會以咩形式進行則仲係未知之數，要知道Mayweather係一名拳擊手，而那須川天心則係一名KickBoxer，雙方量級亦都不同，所以比賽以咩形式進行將非常關鍵。

要知道今次兩位選手都係進入職業以黎都未曾落敗過，其中Mayweather自1996年開始第一場拳擊比賽後至今已經50戰全勝(包括McGregor一戰)，其中包括27次KO對手，實力絕對無容置疑。不過，由於Mayweather如今已經41歲，再加上佢自去年8月一戰後就無再比賽，所以已經超過1年時間無比賽經驗，呢一點都係令人擔憂的。

而另一邊廂嘅那須川天心則然只有20歲，但戰績卻異常驚人，27場KickBoxing比賽全部獲勝，其中包括20次KO對手。另外，那須川天心亦都曾經參戰過4次MMA賽事，而呢4場佢亦都全數獲勝，綜合黎講就係31戰全勝。

所以今次呢場對決，雙方都係處於不敗嘅位置，究竟會係Mayweather嘅經驗佔優，定還是那須川天心嘅年輕力壯更有優勢呢？各位拳迷一定要拭目以待啦！