從來8到80歲的人都有初戀敏感症，要麼熱烈追求尋回初戀、要麼鄙視一切初戀命題的人同事，電影界別久不久就來一套初戀的電影，唔知道你心目中的初戀電影是梁詠琪的《初戀無限touch》，還是沈佳宜的《那些年，我們一起追的女孩》，定你young到睇MenClub 魏文青的《初戀日記：賤男蜜擾》作為你成長的初戀電影，總有一套初戀小作陪伴你的成長。

韓國都來一套再見‧我的初戀，唔知引唔引到你尋回初戀的意慾？正所謂再見‧我的初戀跟你一起也不枉 二人曾經一起出過汗.........

下面帶眼鏡的朋友咪韓國版的魏文青囉↓

對比港版

不過在介紹之先，我想再講講香港電影的譯名是愈來愈奇怪，這套韓國愛情作品韓文翻譯：《你的婚禮》、而台灣的譯名：《婚禮的那一天》，偏倫香港就將佢譯做再見我的初戀，唔知係咪香港的電影界覺得初戀係香港特別好收，覺得套套戲名叫初戀都特別酣甜。

你記唔記得初戀無限touch？『你喇沙？我喇沙啲，唔通你喇沙啲？』又離題，好地地叫返婚禮那一天咪幾好，朴寶英同金英光一高一矮的情侶組合，應該就正中港女心中的初戀男友的形象，高大靚仔金英光，用情專一，三秒認定愛情，不過呢度係menclub我地唔將重點放係屈機型男度，我地記得的初戀電影男角色只係喇沙仔鄒凱光，我地都係主力睇睇女主角朴寶英，細細粒容易食。其實電影中的愛情是一段愛情捉迷藏故事長達十年，由認識、無結果、重遇、相戀，到分離，當然不只是初戀咁簡單，是一部真正的愛情長跑故事。