曾效力車路士及利物浦嘅英格蘭中場祖高爾(Joe Cole)今日較早時間在網上宣佈掛靴，正式結束20年球員生涯。

1981年出生現年37歲嘅祖高爾，巔峰期被評為英格蘭天才型中場，其場上創造力十足，跑位出色，效力車路士期間係球隊嘅核心球員。而近年，祖高爾已經淡出英格蘭頂級聯賽，2015-16球季被外借至英甲球隊，其後在2016年轉戰美職聯至今天退役。

View this post on Instagram

After 20 years of living my dream, the time has come for me to hang up my boots...

A post shared by Joe Cole (@therealjoecole) on Nov 13, 2018 at 12:43am PST

睇番祖高爾嘅足球生涯，佢9歲就進入韋斯咸嘅青訓，一直訓練到17歲便迎來自己職業生涯嘅第一場比賽。喺韋斯咸，祖高爾一共效力左5年，期間上陣150場攻入13球。

2003年8月，祖高爾決定唔續約韋斯咸，並與車路士簽約，轉會費為660萬鎊。而當時嘅車路士教練雲尼亞里認為，祖高爾將會係蘇拿嘅絕佳繼任人。其後祖高爾慢慢成為車路士嘅核心，7年時間入面佢一共上陣281場攻入40球，協助車路士奪得3次英超冠軍、2次足總盃冠軍及1次聯賽盃冠軍，而佢自己更喺2007-08球季成為車路士年度最佳球員。

國家隊方面，祖高爾2001年首次代表英格蘭上陣，一直到2010年佢合計上陣56場攻入10球。

如今結束球員生涯，祖高爾表態想正式成為一名教練，而其實此前佢已經喺美職聯球隊嘅球員兼教練，所以預計佢應該已經累積夠一定經驗。