日本東京海賊王塔喺今年嘅冬天將再舉辦「One Piece Winter 2018-2019」嘅冬季慶典，為寒冬帶嚟一點嘅熱度，增添冬日繽紛嘅色彩。作為一個跨年嘅活動，當然唔係咁簡單啦!

真人Cosplay 不時會現身喺海賊王塔內同大家影相(要獨立影當然係付款款目啦)，而今個月(11月)係卓洛嘅生日月，所以會特別加強卓洛見面嘅時間同安排。

鍾意三刀流卓洛嘅朋友把握今個月嘅機會啦!(因為係免費可以獨立影相㗎)

熱愛舞台同音樂嘅日本人，點會少咗哩兩樣慶典必備嘅節目，而今年嘅主題係「音樂舞蹈」同「解謎遊戲」而One Piece 當中，哩個GAG角色，就超乎合哩個環節啦!

《Soul King Night》嘅節目以布魯克為主題，演出時間如上。

另一場《Kamabokka Night》由No.2 擔大旗。

當然塔內仲有唔同嘅展品，無論插畫定係打卡嘅影相位，絕對唔會少。就以一開首嘅經典場面「處決海賊王 葛魯多‧羅渣」，就非常吸引，話晒成個故事都係由此起。

玩到攰啦!當然有得食啦! 各餐廳都以海賊王做主題，「甜點三將星」之首嘅夏洛特甜品，卓洛「名刀抹茶蕎麥麵」等等。

講到食點可以少得名廚山治份呀。喺「山治自家餐廳」將有自助式早午餐。另外晚餐中，亦有哩款套餐，4,500円就食到山治出品，絕對唔貴。

《海賊王冬季慶典 ONE PIECE WINTER 2018-2019》

活動日期：2018年11月23號 ~ 2019年2月28號

地點：東京都港區芝公園4丁目2-8  東京鐵塔FOOT TOWN內

開放時間：10：00～22：00